111 lines (dead)

[x]     Ibant obscuri sola sub nocte per umbram
[x]     perque domos Ditis vacuas et inania regna:
[x]     quale per incertam lunam sub luce maligna
[x]     est iter in silvis, ubi caelum condidit umbra
[x]     Iuppiter, et rebus nox abstulit atra colorem.
[x]     vestibulum ante ipsum primisque in faucibus Orci
[x]     Luctus et ultrices posuere cubilia Curae,
[x]     pallentesque habitant Morbi tristisque Senectus,
[x]     et Metus et malesuada Fames ac turpis Egestas,
[x]  10 terribiles visu formae, Letumque Labosque;
[x]     tum consanguineus Leti Sopor et mala mentis
[x]     Gaudia, mortiferumque adverso in limine Bellum,
[x]     ferreique Eumenidum thalami et Discordia demens
[x]     vipereum crinem vittis innexa cruentis.
[x]     in medio ramos annosaque bracchia pandit
[x]     ulmus opaca, ingens, quam sedem Somnia vulgo
[x]     vana tenere ferunt, foliisque sub omnibus haerent.
[x]     multaque praeterea variarum monstra ferarum,
[x]     Centauri in foribus stabulant Scyllaeque biformes
[x]  20 et centumgeminus Briareus ac belua Lernae
[x]     horrendum stridens, flammisque armata Chimaera,
[x]     Gorgones Harpyiaeque et forma tricorporis umbrae.
[x]     corripit hic subita trepidus formidine ferrum
[x]     Aeneas strictamque aciem venientibus offert,
[x]     et ni docta comes tenuis sine corpore vitas
[x]     admoneat volitare cava sub imagine formae,
[x]     inruat et frustra ferro diverberet umbras.
[x]     Hinc via Tartarei quae fert Acherontis ad undas.
[x]     turbidus hic caeno vastaque voragine gurges
[x]  30 aestuat atque omnem Cocyto eructat harenam.
[x]     portitor has horrendus aquas et flumina servat
[x]     terribili squalore Charon, cui plurima mento
[x]     canities inculta iacet, stant lumina flamma,
[x]     sordidus ex umeris nodo dependet amictus.
[x]     ipse ratem conto subigit velisque ministrat
[x]     et ferruginea subvectat corpora cumba,
[x]     iam senior, sed cruda deo viridisque senectus.
[x]     huc omnis turba ad ripas effusa ruebat,
[x]     matres atque viri defunctaque corpora vita
[x]  40 magnanimum heroum, pueri innuptaeque puellae,
[x]     impositique rogis iuvenes ante ora parentum:
[x]     quam multa in silvis autumni frigore primo
[x]     lapsa cadunt folia, aut ad terram gurgite ab alto
[x]     quam multae glomerantur aves, ubi frigidus annus
[x]     trans pontum fugat et terris immittit apricis.
[x]     stabant orantes primi transmittere cursum
[x]     tendebantque manus ripae ulterioris amore.
[x]     navita sed tristis nunc hos nunc accipit illos,
[x]     ast alios longe summotos arcet harena.
...
[x]  50 'quisquis es, armatus qui nostra ad flumina tendis,
[x]     fare age, quid venias, iam istinc et comprime gressum.
[x]     umbrarum hic locus est, somni noctisque soporae:
[x]     corpora viva nefas Stygia vectare carina.
[x]     nec vero Alciden me sum laetatus euntem
[x]     accepisse lacu, nec Thesea Pirithoumque,
[x]     dis quamquam geniti atque invicti viribus essent.
[x]     Tartareum ille manu custodem in vincla petivit
[x]     ipsius a solio regis traxitque trementem;
[x]     hi dominam Ditis thalamo deducere adorti.'
[x]  60 quae contra breviter fata est Amphrysia vates:
[x]     'nullae hic insidiae tales (absiste moveri),
[x]     nec vim tela ferunt; licet ingens ianitor antro
[x]     aeternum latrans exsanguis terreat umbras,
[x]     casta licet patrui servet Proserpina limen.
[x]     Troius Aeneas, pietate insignis et armis,
[x]     ad genitorem imas Erebi descendit ad umbras.
[x]     si te nulla movet tantae pietatis imago,
[x]     at ramum hunc' (aperit ramum qui veste latebat)
[x]     'agnoscas.' tumida ex ira tum corda residunt;
[x]  70 nec plura his. ille admirans venerabile donum
[x]     fatalis virgae longo post tempore visum
[x]     caeruleam advertit puppim ripaeque propinquat.
[x]     inde alias animas, quae per iuga longa sedebant,
[x]     deturbat laxatque foros; simul accipit alveo
[x]     ingentem Aenean. gemuit sub pondere cumba
[x]     sutilis et multam accepit rimosa paludem.
[x]     tandem trans fluvium incolumis vatemque virumque
[x]     informi limo glaucaque exponit in ulua.
[x]     Cerberus haec ingens latratu regna trifauci
[x]  80 personat adverso recubans immanis in antro.
[x]     cui vates horrere videns iam colla colubris
[x]     melle soporatam et medicatis frugibus offam
[x]     obicit. ille fame rabida tria guttura pandens
[x]     corripit obiectam, atque immania terga resolvit
[x]     fusus humi totoque ingens extenditur antro.
[x]     occupat Aeneas aditum custode sepulto
[x]     evaditque celer ripam inremeabilis undae.
[x]     Continuo auditae voces vagitus et ingens
[x]     infantumque animae flentes, in limine primo
[x]  90 quos dulcis vitae exsortis et ab ubere raptos
[x]     abstulit atra dies et funere mersit acerbo;
[x]     hos iuxta falso damnati crimine mortis.
[x]     nec vero hae sine sorte datae, sine iudice, sedes:
[x]     quaesitor Minos urnam movet; ille silentum
[x]     consiliumque vocat vitasque et crimina discit.
[x]     proxima deinde tenent maesti loca, qui sibi letum
[x]     insontes peperere manu lucemque perosi
[x]     proiecere animas. quam vellent aethere in alto
[x]     nunc et pauperiem et duros perferre labores!
[ ] 100 fas obstat, tristisque palus inamabilis undae
[ ]     alligat et novies Styx interfusa coercet.
[ ]     nec procul hinc partem fusi monstrantur in omnem
[ ]     Lugentes campi; sic illos nomine dicunt.
[ ]     hic quos durus amor crudeli tabe peredit
[ ]     secreti celant calles et myrtea circum
[x]     silva tegit; curae non ipsa in morte relinquunt.
[ ]     his Phaedram Procrinque locis maestamque Eriphylen
[ ]     crudelis nati monstrantem vulnera cernit,
[ ]     Evadnenque et Pasiphaen; his Laodamia
[ ] 110 it comes et iuvenis quondam, nunc femina, Caeneus
[ ]     rursus et in veterem fato revoluta figuram.